મારા સપનાની વાતો ……

આ કાવ્યની રચના શેઠ સી એમ હાઇસ્કૂલમાં અભ્યાસ કરતા ધોરણ – ૯ એફ ના વિદ્યાર્થી ધ્રુવ એસ પટેલે કરી છે આ કાવ્ય તમને પસંદ આવેતો નાના બાળ કવિને પ્રોત્સાહિત કરવા આ પોસ્ટને લાઇક કરવા વિનંતિ 

મારા સપનાની વાતો ……

મારા સપનાની વાતો ભાઇ સાંભળજો..

                સાંભળજો ભાઇ સાંભળજો…… મારા

સપનામાં કો’કદી હું શિક્ષક થાતો

                બાળકો સાથે નાચતો ને ગાતો

ના સમય બગાડું ના કહું ખોટી વાતો.

                મારા મનડાની વાત ભાઇ સાંભળજો …….. મારા

કો’કદી હું સપનામાં ડોકટર થાતો

                દરદી સાથે મારે નજદીકનો નાતો

ઓછા પૈસામાં કરું દરદીને સાજો

                મારા રુદીયાની વાતો ભાઇ સાંભળજો….મારા

કો’કદી હું સપનામાં સૈનિક થાતો

                મા ભોમ માટે સરહદે જાતો

દુશ્મનને હંફાવવા અધીરો થાતો

                મારા અંતરની વાતો ભાઇ સાંભળજો …મારા

કો’કદી હું સપનામાં વૃક્ષ બની જાતો

                મુસાફર માટે વિસામો થાતો

અંગાર વાયુ લઇ પ્રાણ વાયુ આપતો

                મારી મનગમતી વાત ભાઇ સાંભળજો….મારા 

                             ધ્રુવ  એસ પટેલ  ધોરણ – ૯ એફ

                                      શેઠ સી એમ હાઇસ્કૂલ એન્ડ હાયર સેકન્ડરી સ્કૂલ

                                      ગાંધીનગર, સેકટર – ૨૩